ՀԱՅԱՍՏԱՆԻ ՄԻՋԱԶԳԱՅԻՆ

ՓՈԽԱԴՐՈՂՆԵՐԻ ԱՍՈՑԻԱՑԻԱ

 

 

ՀՄՓԱ ին անդամակցելու ընթացակարգը և անդամակցության առավելությունները  >> կարդալ ավելին

 

 

Հաճախակի տրվող հարցեր և ընդհանուր պարզաբանումներ >> կարդալ ավելին

 


Միջազգային տրանսպորտային փոխադրումներում ներգրավված վարորդների վերապատրաստում >> կարդալ ավելին

 

ՊԱՏՄԱԿԱՆ ԱԿՆԱՐԿ



Համառոտ ժամանակագրություն մեր նշանակալի միջոցառումների և մեր կողմից իրականացվող աշխատանքների մասին >> կարդալ ավելին

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

T I R    Հ Ա Մ Ա Կ Ա Ր Գ

TIR կոնվենցիան ապացուցել է, որ այն հանդիսանում է Միավորված ազգերի կազմակերպության Եվրոպայի տնտեսական հանձնաժողովի (UNECE) հովանու ներքո ստեղծված ամենաարդյունավետ միջազգային իրավական փաստաթղթերից մեկը: Ներկա դրությամբ այն ունի 67 պայմանագրային կողմ, այդ թվում` Եվրոպական համայնքի պետություններ: Այն ընդգրկում է ողջ Եվրոպան, ինչպես նաև ընդգրկում է Հյուսիսային Աֆրիկայի և Մերձավոր ու Միջին Արևելքի մի շարք երկրներ: Ասիական երկրներն արդեն տեղեկացված են այս գլոբալ մաքսային տարանցման համակարգի կողմից ընձեռնվող հնարավորությունների մասին և նրանք հետաքրքրություն են ցուցաբերել մոտ ապագայում TIR կոնվենցիային միանալու հարցում: Ներկա յումս արդեն Ամերիկայի Միացյալ Նահանգները և Կանադան, ինչպես նաև Հարավային Ամերիկայում Չիլին և Ուրուգվայը հանդիսանում են պայմանագրային կողմեր:

TIR համակարգի հաջողությունը կարելի է գնահատել նաև ըստ ամենամյա TIR կարնետների բաշխման քանակի: 1952 թվականին թողարկվել էր շուրջ 3,000 TIR կարնետ, որը կայուն կերպով ավելանալով 1960 թվականին հասել է 100,000-ի, իսկ այնուհետև 1970 թվականին` 800,000-ի: 1970-80-ական թվականներին TIR կարնետների պահանջարկը տատանվել է 900,000-ի և 500,000-ի միջև: Սա կարելի է բացատրել Եվրոպական համայնքի ընդլայնմամբ, որի շրջանակներում Եվրոպական համայնքի տարածքում կիրառվել է ներքին տարանցման համակարգը և TIR կարնետները չեն օգտագործվել մաքսային տարանցման գործողություններում` իր անդամ երկրների միջև:

Եվրոպայի Արևելք Արևմուտք առևտրի ընդլայնման արդյունքում, մասնավորապես սկսած 1989 թվականից, որը զուգակցվեց նաև միջազգային ավտոմոբիլային տրանսպորտի հսկայական աճի հետ, 1992 թվականին տրամադրված TIR կարնետների քանակը գերազանցել է մեկ միլիոնը և 2006-ի տվյալներով հասել է մինչև 3,6 միլիոնի, որը իրենից ներկայացնում է օրեկան շուրջ 10,000 TIR տրանսպորտ ավելի քան 55 երկրներում և ավելի քան 50,000 TIR սահմանային անցում:

Ազգային մաքսային մարմինների կողմից TIR կարնետներ օգտագործելու համար լիազորված տրանսպորտային ընկերությունների թիվը կազմում է ավելի քան 38,000:

2004 թվականին կենտրոնական Եվրոպայի մի շարք երկրների կողմից Եվրամիությանն անդամակցելը չհանգեցրեց Եվրոպայի այդ տարածաշրջանում TIR տրանսպորտային փոխադրումների նվազեցմանը: Միաժամանակ կանխատեսվում է, որ դեպի Մերձավոր Արևելքի և Ասիայի երկրներ և հակառակ ուղղությամբ կատարվող TIR տրանսպորտային փոխադրումները կշարունակեն աճել ապագայում:

Ըստ էության, TIR մաքսային տարանցման համակարգի օգտագործման այդ հսկայական աճը կարելի է բացատրել TIR ռեժիմի հատուկ առանձնահատկություններով, որոնք միջազգային բեռնափոխադրումների պարագայում տրանսպորտային օպերատորներին և մաքսային մարմիններն բոլոր սահմանային անցակետերում առաջարկում են պարզ, ճկուն, ծախսարդյունավետ և անվտանգ մաքսային ռեժիմ: TIR համակարգը կոչված է առավելագույն կերպով դյուրացնելու միջազգային բեռնափոխադրումները` մաքային կնքադրոշմների կիրառմամբ: Համակարգը ապահովում է երկրներով տարանցիկը` անհրաժեշտ երաշխիքներով, զերծ պահելով մաքսային տուրքերի և հարկերի հետ կապված ռիսկերից: Հավասարակշռված պարտականություններ են սահմանվել մաքսային մարմինների և միջազգային առևտրում ներգրավված հանրության միջև:

Մաքսային առումով, TIR համակարգը`

         նվազեցնում է ազգային տարանցման համար սահմանված ընթացակարգերի պահանջները (սահմանային անցակետերում մաքսային վերահսկողության միջոցառումների առումով).

         զերծ է պահում թանկ աշխատուժի և սարքավորումների կիրառումից, որոնք կպահանջվեին տարանցիկ երկրներում ֆիզիկական ստուգումներ իրականացնելիս, քանի որ միայն պահանջվում է ստուգել կնքադրոշմների առկայությունը և բեռի կամ բեռնարկղի արտաքին վիճակը ու ուղեկցող փաստաթղթերը.

         պաշտպանում է հնարավոր ռիսկային տուրքերից և հարկերից, որոնք երաշխավորված մինչև 50,000 ԱՄՆ դոլար կամ Եվրո 60,000 յուրաքանչյուր TIR տրանսպորտի համար.

         նվազեցնում է մաքսային մարմիններին ոչ պատշաճ տեղեկատվություն ներկայացնելու հետ կապված ռիսկը (միջազգային տարանցիկ փոխադրումը կատարվում է մեկ և ներդաշնակեցված տարանցման փաստաթղթով` TIR կարնետով):


Տրանսպորտային փոխադրողների համար TIR համակարգը`

         հնարավորություն է տալիս որպեսզի բեռները բոլոր պետական սահմաններով անցնեն մաքսային մարմինների կողմից նվազագույն միջամտությամբ և առանց ուշացումների.

         նվազեցնում է սահմանային անցակետերում սպասելու ժամանակը` համաձայն 1982թ. սահմանային անցակետերում բեռների հսկման ներդաշնակեցման մասին միջազգային կոնվենցիայի դրույթների (հավելված 8).

         ներմուծողներին և արտահանողներին հնարավորություն է տալիս իրենց կարիքներից ելնելով առավել հեշտությամբ ընտրել տրանսպորտային տեսակը, և ապահովում է, որպեսզի այդ առումով մաքսային հսկողության մարմինների կողմից բեռնափոխադրումների ժամանակ որևէ խոչընդոտ չստեղծվի.

         թույլ է տալիս օգտագործել պարզեցված փաստաթղթեր.

         հնարավորություն է տալիս մուտք գործել 57 երկիր.

         զերծ է պահում տարանցիկ սահմաններում տուրքերի և հարկերի համար երաշխիք տրամադրելու պահանջից.

         թույլ է տալիս փոքր և միջին տրանսպորտային փոխադրողներին մրցակցային հիմունքներով մուտք գործել համաշխարհային շուկաներ` իրենց առևտրային անկախության պահպանմամբ:

Միջազգային առևտրի առումով, TIR համակարգը`

         խրախուսում է միջազգային առևտրի զարգացումը անվտանգ և վերահսկվող միջավայրում` դյուրացնելով ավանդական խոչընդոտները, որոնք առկա են միջազգային բեռնափոխադրումներ կատարելիս.

         հնարավորություն է տալիս զգալիորեն տնտեսել տրանսպորտային ծախսերը` նվազեցնելով տարանցիկի հետ կապված ուշացումները.

         դյուրացնում է միջազգային առևտուրը:

 

 

 

ՀՄՓԱ: Բոլոր իրավունքները պահպանված են:
Գրանցված է Հայաստանում որպես հասարակական կազմակերպություն: